Teuta largoi Edi Martinin dhe në krye të stolit durrsak u vendos Diego Longo. Ish-trajneri i Kukësit i cili sezonin e mbylli me Flamurtari në Kategorinë e Parë tashmë ka në dorë “frenat” e “Djemve të Detit” me të cilët do të synojë të arrijë objektivat.
Aktualisht ekipi ëhstë ende me pushime dhe rikthimi në fushë me shumë gjasa do të jetë më 4 korrik, por deri atëherë italiani ka kërkuar nga drejtuesit të afrojnë lojtarët e kërkuar. Përveç afrimeve të Ergys Peposhit, Aldo Gjumsit dhe Mario Gjatas, me dy të fundit që akoma s’janë zyrtarizuar në Durrës ka pasur vetëm largime. Në këto kushte Longo kërkon minimumi 5 lojtarë për të zëvendësuar të lareguarit.
Me patjetër do të kërkohet mbrojtës i djathtë dhe mesfushor. Vende ku janë të domosdoshme afrimet pas të larguarve. Longo ka nisur vetë punën për të pikasur të preferuarit dhe të duhurit për pozicionet ku ka nevojë skuadra dhe deri më 4 korrik, kur ekipi të rikthehet në fushë afrimet duhen bërë. Kjo pasi italiani synon të ketë të plotësuar organikën e skuadrës në seancat stërvitore.
Lexo gjithashtu
