Dëshira që nuk i plotësua Agostinelit, zyrtarizohet sot te Skënderbeu

Reza Karimi është zyrtarisht lojtar i Skënderbeut. Talenti iranian ka firmosur me kampionët dhe tashmë është të japë kontributin e tij për bardhekuqtë. Përmes një njoftimi në faqen zyrtare klubi bardhekuq shkruan:

” Më në fund iranianët kanë pranuar transferimin e mesfushorit me tipare sulmuese, Karimi Reza PIRAGHOUM. Talenti Iranian i afruar tek Skënderbeu gjatë merkatos së verës nuk është aktivizuar dy fazat e para të kampionatit për shkak të dokumentacionit të munguar. Sot ka mbërritur konfirmimi në zyrat e klubit dhe është bërë menjëherë rregjistrimi përfundimtar i tij. Tashmë të gjithë presin shpërthimin e talentit, i cili kërkon minuta në këmbët e tij, minuta të munguara gjatë kësaj periudhe për shkak të dokumentave”, shkruhej në njoftimin e klubit bardhekuq.

Kujtojmë që Andrea Agostineli e kishte të preferuarin e tij iranianin, por mungesa e dokumentacionit bëri që 18-vjeçari mos të federohej në dy fazat e para.