Derbi i kryeqytetit, sfida më e zjarrtë e futbollit shqiptar, ama kjo e sotmja ishte më unikja teksa në pjatë ishte titulli kampion i Superiores. Plot 18 mijë tifozë ishin të pranishëm në stadiumin “Air Albania” për të shijuar këtë supersfidë. Spektakli i kësaj ndeshje nuk kishte sesi të mos vëzhgohej edhe nga trajneri i Kombëtares, Sylvinho. Tekniku brazilian ishte i shoqëruar nga i gjithë stafi i tij teknin dhe me një postim në rrjete sociale ka reaguar pas barazimit 1-1. “Së bashku me Dorivën e Zabaletën ndoqa sot derbin e kampionatit shqiptar mes Tiranës e Partizanit, që u mbyll në barazim 1-1. Rivalitet shumë i lartë në një ndeshje të luftuar mes dy skuadrave që ndodhen në dy vendet e para të renditjes. Një moment i rëndësishëm vëzhgimi në punën tonë të përditshme. Forca Shqipëria”, shkruan braziliani.

 

View this post on Instagram

 

A post shared by Sylvio Campos Official (@sylvinho_campos)