Java e fundit në Kategorinë e Parë rezervoi një përplasje derbi teksa Luzi priti Besën në stadiumin e ri. Ndeshja përfundoi në barazim duke bërë që Besa të humbasë dy pikë të rëndësishme në garën për zonën Play Off. Mirëpo, nuk është vetëm humbja e piëkve problem. Kavajasit do të bëjnë pa plot 5 lojtarë titullarë në ndeshjen e rradhës ndaj Lushnjes, më 1 prill në orën 15:00 në transfertë.
Portieri Dabjani, mbrojtësi Ramilli, mesfushori Sulovari dhe sulmuesit Hoxha e Onuk kanë plotësuar numrin e kartonëve dhe janë të pezulluar me një ndeshje mos-lojë. Trajneri Gugash Magani është i detyruar të hedhë sytë nga stoli por aty do të gjejë vetëm lojtarë të rinj pa eksperiencë por ndoshta ky mund të jetë një shans për ta që të tregojnë vlerën e tyre.
Lexo gjithashtu
