Ish-lojtari i Romës, Radja Nainggolan ka folur së fundmi për situatën e klubit italian. Belgu u ndal kryesisht tek situatat e fundit, shkarkimi i Jose Mourinhos dhe emërimi i Daniele De Rossit si “timonier” i ri i ekipit. Nainggolan shprehet se beson plotësisht tek De Rossi dhe se ky i fundit do të befasojë, por shton se Mourinho ka fituar një trofe si Conference League që është i pavlerë.
“Më dhemb të shoh Romën në këtë pozicion. Unë shkova në stadium 3 herë këtë vit dhe pashë një ekip që nuk godet dot portën. Lojtarët janë gjithmonë përgjegjësit kryesorë, perveç se në futboll ku trajneri është i pari. Jam i bindur se De Rossi do të befasojë, i di idetë e tij.
Mourinho? Ai fitoi një Conference League, që për mendimin tim nuk është një trofe që ka rëndësi pasi 3 vite më parë nuk ekzistonte, por është një trofe”, është shprehur ish-mesfushori i ‘verdhekuqve’, Nainggolan.
Lexo gjithashtu
