Xhani De Biazi nuk e kishte menduar se do të merrte një urim special për 60 vjetorin e lindjes. Pikërisht në Perros Guierc, aty ku ndodhet rezidenca e kuqezinjve për këtë Europian, bashkia e kësaj qyteze ka organizuar një festë ku morën pjesë kryetari i Bashkisë, presidenti i Federatës Franceze të Futbollit dhe drejtues të FSHF-së si dhe lojtarët kuqezinj, të cilët kanë bërë urim special kreut të pankinës së Shqipërisë.
“Ditëlindja ime përkon me datat kur luhen europianët dhe botëroret, por asnjëherë nuk e kisha menduar që sot të ndodhesha këtu me Shqipërinë. Urime kam marrë shumë sot. Filluan që mbrëmë dhe më duhet t’u përgjigjem ende miqve. Si dhuratë të ditëlindjes do të më pëlqente kalimi i grupit ndaj Rumanisë”,-tha De Biazi.
