Historia e klubit vlonjat me sulmuesin Danilo Alvesh po kthehet në një telenovelë të vërtetë. Në disa deklarata mediatike administratori i Flamurtarit Idrizi ka deklaruar që nuk ka ndërmend ta lejë të lirë sulmuesin brazilian, pasi ai është akoma nën kontratë me ta. Por vetë Alvesh ka deklaruar që është lojtar i lirë dhe ka nënshkruar me klubin korçar të Skënderbeut. Sot në rrjetet sociale sportklub Flamurtari ka ironizuar lojtarin:
" Përshëndesim Danilo Alves dhe i urojmë suksese, por e ka të kotë se pa 500 mijë euro Sinanit në dorë firma që ka hedhur tek Korça është e pavlefshme.Kush kërkon ta takojë lojtarin, prej katër ditësh është në Hotel Tropikal në Durrës".
Prej disa ditësh, mes palëve ka nisur një konflikt i hapur. Alvesh kërkon rrogat e prapambetura, ndërkohë që Flamurtari është i gatshëm ta lërë të ikë nëse paguan 500 mijë euro. Skënderbeu qëndron në pritje për të marrë shërbimet e sulmuesit që këtë sezon 5 gola . Në lojë është futur edhe menaxheri i lojtarit për të mbrojtur interesat e tij ndërkohë që pritet që kjo histori të marrë zgjidhje në gjykatën sportive pranë UEFA-s.
Lexo gjithashtu
