Armand Duka ishte mbrëmë i pranishëm në stadiumin “Fadil Vokrri” për të ndjekur nga afër ndeshjen mes Ballkanit dhe Sivasporit, e vlefshme për fazën e grupeve të Conference League.
Edhe pse skuadra e Ilir Dajës u mposht 2-1, duhet thënë që performanca e tyre për afro 70 minuta ishte e mrekullueshme. Në një grup jofavorit, Ballkani u ul me këmbë në tokë për të menduar për sfidat e radhës.
Ndërkaq në sy bie presidenti i Federatës Shqiptare të Futbollit, i cili po ditën e djeshme deklaroi se Ilir Daja mund të jetë një nga trajnerët e ardhshëm e përfaqësueses kuqezi.
A është vërtetë kjo arsyeja se pse Duka ka qenë mbrëmë në “Fadil Vokrri” ku shihet dhe Safet Gjici përkrah tij? Koha do ta tregojë. Deri në miqësoren me Italinë, ai ka konfirmuar trajnerin aktual, Edy Reja.
Lexo gjithashtu
