Flamurtari do përballet me Skënderbeun në javën e katërt të kampionatit në Superligë. Sfidë e vështirë por që pritet të dhurojë emocione dhe spektakël për të gjithë sportdashësit.
Në kampin vlonjat mësohet se do të ketë mungesa të rëndësishme. Bëhet fjalë për Albi Allën dhe Agustin Torrasën. Mbrojtësi pogradecar ka pësuar një dëmtim dhe është në fazë rehabilitimi. Do të duhen pak ditë që Alla të kthehet në fushën e blertë.
Nga ana tjetër, Torrasa është në dyshim për sfidën me korçarët. Ditët në vijim do të shihet nëse ky i fundit do të jetë i gatshëm apo do të jetë trajneri Ilir Daja që do të duhët të mendojë për zëvendësimin e këtij të fundit në takimin ndaj ish-skuadrës së tij, Skënderbeut.
