Pas humbjes në shtëpi 1-0 kundër Skënderbeut, trajneri i Vllaznisë, Armando Cungu, për Supersport u shpreh: “Keqardhja është e madhe kur humb në shtëpi, pavarësisht kë ekip ke përballë. Megjithatë, dua të përgëzoj ekipin, që gabim bëri vetëm te rasti i golit të pësuar.
Akuzat për tolerim ndaj Skënderbeut? Askujt nuk i doli fjala. Çdokush është i lirë të jap mendimin e tij, edhe pse ka qenë krejtësisht i gabuar. Nuk më shqetësojnë këto thashetheme, sepse unë vazhdoj punën i qetë në krye të ekipit për të marrë rezultatet e duhura.
Nuk kishim probleme vetëm në mbrojtje, por edhe në mesfushë, sepse kishim shumë dëmtime. Kishim mundësi të merrnim një pikë, por janë gjëra që ndodhin në futboll. Kjo ishte një ndeshje që na gjeti në një moment shumë të keq.
Të them të drejtën, Vllaznia ka mundur veten në shumë ndeshje, nuk është se na ka mposhtur kundërshtari. Duhet të marrim më shumë përgjegjësi për të mos dhuruar gola që mund të evitohen”, përfundoi prononcimin e tij, trajneri i Vllanzisë, Armando Cungu në studionin e “Gol pas Goli”.
Loading ...
