Çudirat në futbollin shqiptar nuk kanë fund. Këtë herë ka të bëjë me skuadrën e Kategorisë së Dytë, Sopotin. Financat janë kthyer në një problem dhe kjo është parë edhe në transfertën me Valbonën.
Sopoti do të sfidonte Valbonën në Tropojë, ku sipas shtypit të shkruar për udhëtimin lojtarëve u është kërkuar të paguajnë nga xhepi i tyre, përfshirë këtu edhe hotelin ku do të qëndrojnë.
E gjithë kjo është bërë për arsye të pushimit të administratës, procedura e lëvrimit të fondit nuk është bërë. Në këto kushte, lojtarët duhej ta paguanin transportin dhe hotelin nga xhepi, me premtimin se vetëm disa ditë më vonë do t’u ktheheshin paratë në llogaritë bankare. Diçka e tillë nuk është pranuar nga futbollistët, të cilët kanë theksuar se nuk kanë mundësi të përballojnë të tilla kosto.
Në fund zgjidhja është gjetur nga drejtori Besnik Çota, i cili ka mbuluar shpenzimet e kësaj transfertë. Për fatin e keq Sopoti humbi ndaj Valbonës dhe përfundoi kampionatin në vendin e 4-të. Ironia e fatit i vë sërish përballë Vlabonës për ndeshjen e Play-Off të kësaj kategorie.
Lexo gjithashtu
