Mesfushori i Elbasanit, Cristian Dros foli për RTSH Sport pas fitores 3-0 ndaj Teutës në të cilën shënoi golin e parë. Një paraqitje e shkëlqyer nga bjellorusi që dominoi mesfushën duke ja bërë më të lehtë lojën ekipit të tij.
“Ishte një ndeshje e lehtë. Jam adaptuar shumë mirë prej shokëve të ekipit. Të gjithë lojtarët janë shumë lojtarë të mirë. Në të ardhmen shpresoj të ndihmoj më shumë ekipin.
Atmosfera këtu është e pabesueshme, kjo ndeshje ishte shumë e mirë. Morëm një fitore të rëndësishme. Më pëlqen Shqipëria dhe Elbasani. Shpresoj të kapim më të mirën në ndeshjet e ardhshme.
Kampionati shqiptar në krahasim me atë bjellorus? Këtu është më mirë, ka një nivel më të lartë. Të gjitha ekipet janë shumë të mira, Egnatia, Partizani, Tirana. Mezi pres të përballem me ekipe të forta”, tha Dros.
Lexo gjithashtu
