Trajneri i Italisë, Antonio Conte, njihet si person që kërkon shumë prej lojtarëve.Conte nuk i ka lënë lojtarët e tij të pushojnë edhe pasi Italia ka siguruar kualifikimin pas dy ndeshjeve të para.Italia ka fituar gjithashtu edhe vëndin e parë në grup.
Mesfushori i Italisë, Marco Parolo, u ka thënë gazetarëve të dielën se bisedat e gjata dhe shpërthimet e Contes gjatë pjesës së pauzave të ndeshjeve janë pjesë e folklorit italian të futbollit. Ai u ka kërkuar lojtarëve që të mos pushojnë dhe të japin maksimumin edhe në ndeshjen e fundit.
Italia, që konsiderohet si një prej përfaqësueseve që mund të bëjë befasi dhe të fitojë Evropianin, do të përballet të mërkurën në ndeshjen e xhiros së fundit të Grupit E me Irlandën. Italia ka mposhtur në xhiron e parë 2:0 Belgjikën, ndërsa në të dytën mposhti 1:0 Suedinë.
Lexo gjithashtu
