Në sezonin e tij të parë si trajner i Barcelona-s, Hansi Flick mund të mburret se i ka fituar të katër “El Clasico”-t që ka drejtuar nga stoli dhe ata kanë shënuar 16 gola, një mesatare prej katër për ndeshje. Megjithatë, dueli i kësaj të diele është veçanërisht e rëndësishme pasi e vendos Barçën vetëm dy pikë larg titullit të LaLiga-s.
"Ende nuk ndihem si kampion. Ky është futbolli. Është e vërtetë që jemi në një pozicion të mirë. Do të ishte mirë të fitonim tre tituj, por kemi tre pikë për titullin dhe të gjithë kundërshtarët tanë duan të fitojnë kundër nesh. Ne kemi cilësinë dhe do të arrijmë atje. Gjithashtu duhet ta festojmë këtë fitore kundër Madridit dhe ta vlerësojmë atë.
Këta lojtarë janë fantastikë. Ne u rikthyem përsëri nga një disavantazh 0-2, dhe vinim nga Milano, pasi kishim luajtur më shumë se 120 minuta. Nuk ishte e lehtë, dhe këta lojtarë e bënë përsëri. Duhet të përmirësohemi shumë në mbrojtje, të jemi më të qëndrueshëm.
Kur bëjmë presion të mirë, gjithçka funksionon, por kur bën një gabim, si me golin e parë të ndeshjes, situata bëhet e ndërlikuar. Por lojtarët punuan mirë si ekip. Sot patëm një sfidë të rëndësishme, duke u përballur me lojtarë shumë të shpejtë. Duhet të përmirësojmë disa aspekte mbrojtëse, por me ndeshje çdo tre ditë, shpesh nuk është e mundur të stërvitemi mjaftueshëm mirë për t'u përgatitur siç duhet”, e mbylli Flick.
Lexo gjithashtu
