Në prag të zgjedhjeve presidenciale te Real Madridi, kandidati Enrique Riquelme ka hedhur një deklaratë të fortë që ka ndezur rrjetet sociale. Riquelme ka shprehur ambicien e tij për të sjellë Jurgen Klopp në krye të "Los Blancos" nëse ai fiton votëbesimin e anëtarëve të klubit këtë të dielë.
Riquelme ka deklaruar se plani i tij është që, pas fitores së mundshme në zgjedhje, të kontaktojë menjëherë teknikun gjerman për ta bindur që të marrë drejtimin e skuadrës.
Kjo deklaratë vjen pas një tjetër pretendimi të bujshëm nga ana e kandidatit, i cili të mërkurën pretendoi se kishte arritur marrëveshjen për firmën me Erling Haaland, një pretendim që u mohua vetëm pak orë më vonë nga babai i futbollistit.
Mbetet për t’u parë nëse ky premtim elektoral do të mbetet vetëm në kuadrin e deklaratave për fushatë, apo nëse vërtet do të ketë një lëvizje konkrete në drejtim të ish-trajnerit të Liverpool-it.
Lexo gjithashtu
