Partizani do të duelojë me Kastriotin në Kamëz duke nisur që nga ora 13:00. Një sfidë mjaft e rëndësishme e cila është e vlefshme për javën e 17-të të “Abissnet Superiore”. Demat do të kërkojnë të bëjnë autokritikën për humbjen me Vllazninë, teksa përballë gjejnë krutanët e Ardian Memës.
Kastrioti gjithashtu vjen pas dy humbjeve radhas në kampionat dhe për ta detyrim është vetëm fitorja për t’iu larguar zonës së ftohte, me Memën që duhet të arnojë repartin e mbrojtjes për shkak të mungesës së Adolf Selmanit dhe Martin Prenkocevic për shkak kartonësh.
Ndryshe është situata për Giovanni Colellën, i cili do të ketë luksin e zgjedhjeve ndaj krutanëve, pasi për të nuk do të ketë asnjë mungesë, duke pasur kështu në dispozicion të gjithë lojtarët.
Formacionet e mundshme:
Kastrioti: Sali, Kodra, Karakaçi, Stojanovic, Sulka, Mehmeti, Dnanuga, Hasani, J.Çela, Greca, S.Selmani. Trajner: Ardian Mema
Partizani: Rexhepi, Hadroj, Bitri, Sota, Buxhelaj, Rrapaj, Matondo, Murataj, Cara, Skuka, Hoti. Trajner: Giovanni Colella.
Lexo gjithashtu
