Sokol Cikalleshi po kalon një formë të mirë. Sulmuesi i Kombëtares kuqezi është duke i dhënë një dorë Konyaspor në Superligën turke, me kavajasin që në javët e fundit ka shënuar katër gola.
Forma e mirë e tij nuk ka mbetur pa u komentuar nga trajneri i Konya. Ilhan Palut. Për teknikun 41 vjeçar, forma e mirë e lojtarit kuqezi si dhe rëndësia që ai ka për ekipin ka bërë që të jetë pjesë e formacionit.
"Preferencat e një trajneri mund të ndryshojnë. Golat për një sulmues janë të rëndësishëm por është edhe mënyra se si mbrojmë si ekip.
Është shumë e rëndësishme që ai jep gjithçka për skuadrën. Ai është bërë një futbollist për skuadrën dhe ne kemi përfituar shumë prej tij, Cikalleshi ka ardhur në një pikë kur duhet të jetë në formacion", u shpreh Ilhan Palut.
Lexo gjithashtu
