Andrea Onana është një nga portierët më të kërkuar në këtë sezon. Paraqitjet e gardianit të portës me Interit në kampionët dhe në Champions League e kanë kthyer kamerunasin në objetivin e Chelsea.
Sipas mediave të huaja u raportua se Blutë e Londrës janë të gatshëm të ofrojnë 40 milionë euro për shërbimet e tij, por duket se tek Interi nuk kanë ndërmend të heqin dorë nga lojtari i tyre.
Në lidhje më këtë ka folur drejtori i përgjithshëm i Interit, Marotta, i cili thekson se nuk kanë planifikuar shitjen e tij dhe se Onana është i lumtur në Milano.
“Onana largohet për 40 milionë euro? Unë do ta përjashtoja këtë, sinqerisht. Mendojmë se do të qëndrojë. Nuk kemi marrë asnjë ofertë dhe Onana është i lumtur në Milano, ai dëshiron të qëndrojë këtu. Ne nuk planifikojmë ta shesim atë”, përfundoi drejtori i Interit.
Lexo gjithashtu
