Ky sezon për Juventusin duket se nuk po përfundon në mënyrën më të mirë të mundshme. “Zonja e Vjetër” rrezikon edhe një vend në Champions League dhe nëse në fund renditja në Seria A e nxjerr jashtë loje, Cristiano Ronaldo mund të largohet nga Torino, së paku siç raporton “Tuttosport”.
Milan, Atalanta dhe Napoli, bashkë me Juven po luftojnë ashpër për tre vendet e tjera pas Interit. Reagimi i CR7 pas fitores 3-1 kundër Genoas, ku portugezi hodhi fanelën në tokë, ka sjellë shumë reagime nga tifozët bardhezi. Pritet të shihet se çdo të ndodhë me të, i cili është përfolur për një rikthim te Real Madrdi apo edhe te United.