Joao Cancelo është një nga lojtarët kyç në formacionin e Barcelonës. Portugezi aktualisht është i angazhuar me Portugalinë, ndërsa së fundmi është rikthyer sërish të flasë për Pep Guardiolën dhe Manchester Cityn.
29-vjeçari që është i huazuar te Barcelona ka theksuar se Guardiola ka gënjyer kur ka thënë se është një shok i keq në skuadër. Ndër të tjera “shfryn” edhe ndaj klubit anglez, me Cytin që ka në zotërim kartonin e tij. Cancelo shprehet se klubi në përgjithësi është treguar mosmirënjohës ndaj tij.
“Guardiola ka gënjyer, nuk është e vërtetë që isha një shok i keq në skuadër. Ju mund të pyesni Ake ose Rico. Unë nuk kisha ndonjë kompleks superioriteti ndaj tyre. Mendoj se, në përgjithësi, Manchester City u tregua mosmirënjohës ndaj meje”, ka deklaruar Cancelo.
Lexo gjithashtu
