Gjatë ndeshjes Shqipëri – Zvicër nuk kanë munguar as banderolat politike. Këtë herë nuk ka qenë në qendër të vëmendjes Serbia, pasi mund të pritej diçka e tillë, sepse mjaft kosovarë ishin në stadium, por ka qenë Greqia. Tifozët i kanë kujtuar genocidin e Çamërisë, ndërsa menjëherë ka ardhur reagimi i Athinës zyrtare.
Ministria e Jashtme e Greqisë ka dalë me një njoftim për shtyp dhe thuhet se kjo ministri dënon në mënyrën më të ashpër përdorimin e banderolave provokuese. Për më tepër, Athina zyrtare ka kërkuar nga UEFA dhe autoritetet franceze që të hetojnë në lidhje me këtë që ka ndodhur, madje të marrë masa që banderola të tilla të mos hyjnë në stadiume. Ndërsa në komunikatën për shtyp thuhet edhe që autoritetet shqiptare të bëjnë distancim nga akte të tilla që mund të sjellin trazira në një kompeticion të tillë.
