Bylisi ia doli të kualifikohej në Kupën e Shqipërisë, paçka se ndeshja në Laç u humb me rezultatin 3-2. Të besuarit e trajnerit Dovedan ditën të shënonin dy herë dhe me rezultatin 2-0 të ndeshjes së parë morën një kualifikim për në fazën e radhës. Ballshiotët janë në alrm nga dëmtimet, me dy lojtarë që janë në infermieri.
Edison Ndreca u përplas me murin rrethues të stadiumit në Laç, duke nxjerrë shpatullën. Lojtari braktisi ndeshjen, duke u transportuar drejt spitalit rajonal. Dëmtimi pritet ta mbajë jashtë fushe për 10 ditë, duke humbur kështu duelin me kryesuesit e Kukësit të diel. Tjetër shqetësim për stafin teknik të Bylis është gjendja e sulmuesit Antoni Beji, që është operuar sërish në ligament duke mbyllur sezonin.
Loading ...
