Në një intervistë dhënë pak orë më parë për "Corriere dello Sport", portieri i Juventusit, Gianluigi Buffon ka pranuar faktin se Real Madridi është skuadër më e mirë se Juventusi, këtë nuk e thotë "gardiani", sikurse ai pohor, por historia.
Kjo deklaratë e "veteranit" të "Zonjës së Vjetër" vjen saktësisht një ditë para se Juventusi të ndeshet me Realin në Champions League. Buffon konfirmon se historia "zgjedh" më të mirët, por në datën 3 prill mundësitë janë 50-50.
"Reali është më i mirë se Juventusi, këtë nuk e them unë, e thotë historia. Vitet e fundit kanë demostruar se kanë diçka speciale. Ata janë favoritët, por në futboll nuk ekziston asnjë skuadër e pamposhtur dhe ne mund të garojmë. Duhet të jemi ambiciozë".
Buffon ka thënë dhe dy fjalë për finalen e humbur në Cardif: "Shpresojmë që gjithçka të jetë ndryshe. Do të doja të fitoja një finale, nuk mund ta shpjegoj. Edhe ndaj Barcelonës do të ishte sukses. Fitojmë ndeshjet që zgjasin 180 minuta dhe humasim ato që zgjasin 90 minuta. Ndoshta duhet të luajmë një finale që zgjat 180 minuta".
"Gardiani" i Juventusit ka komentuar dhe "numrin 1" të ekipit kundërshtar, Cristiani Ronaldon: "Kam një admirim të palimituar për Cristianon, ka mundur të përmirësohet me kalimin e kohës. E admiroj sepse është një përson që e di se çfarë bën dhe është mjaft pragmatik dhe në vitet e fundit ai ka treguar se është inteligjent. Nuk kam parë kurrë më parë një njeri me instiktin vrasës të Ronaldos. Ftohtësinë që ka ai para portës e kam parë vetem te Trezeguet", është shprehur Buffon për "Corriere dello Sport". /NEWSPORT.AL/
[gallery columns="1" size="full" ids="222329"]
Lexo gjithashtu
