Milan mori mbrëmjen e djeshme një fitore të rëndësishme në shtëpi përballë Veronës. Sfida e vlefshme për javën e 25-të të Serie A, përfundoi 1-0 në favor të kuqezinjve.
Edhe pse golin e shënoi Santiago Gimenez, një nga protagonistët kryesorë në këtë sfidë ishte Joao Felix. Portugezi vendosi në vështirësi gjatë gjithë kohës mbrojtjen kundërshtare, duke u kthyer në makth për ta.
Ndërkohë që pas ndeshjes, Felix ka reaguar në rrjetet sociale, duke i dërguar “sms” të qartë Feyenoord, më të cilët do të luajnë të martën sfidën e kthimit në Champions League, pasi të parën e humbën 1-0.
“Fitore e rëndësishme. Shihemi të martën në shtëpi për Champions League”, shkruan Joao Felix në Instagram.
Milan do të përballet me Feyenoord këtë të martë në “San Siro”, duke nisur nga ora 18:45. “Djalli” do të kërkojë përmbysjen e madhe për të shkuar më tej në Ligën e Kampionëve.
View this post on Instagram
Lexo gjithashtu
