Lautaro Martinez është shpallur lojtari më i vlefshëm në Serie A. Kapiteni argjentinas i Inter vlen përafërsisht 95 milionë euro, një shifër që tregon se Interi është me fat që e ka në “gjirin” e saj një lojtar kaq cilësor.
Në vend të dytë ndodhet portugezi i rivalëve nga Milano, Rafael Leao. “Ylli” i Milanit ka një karton që kushton 88 milionë euro.
Podiumin e mbyll gjeorgjiani Khvicha Kvaratskhelia i Napolit. Lojtari i muajit i saposhpallur në Serie A qëndron në vendin e tretë me një diferencë minimale prej 4 milionësh me Leao-n.
Këto statistika janë nxjerrë nga CIES, Instituti i Statistikave të Futbollit. Ky institucion ka publikuar listën e lojtarëve me më shumë vlerë në tregun botëror.
“Bomberi” i kampionëve në fuqi të Italisë ndodhet aktualisht në grumbullim me Argjentinën për kualifikueset e Amerikës Jugore. Tek Interi e çmojnë goleadorin i cili po kalon një formë mjaft të mirë pas një pauze bllokimi.
Lexo gjithashtu
