Adrien Rabiot është një prej lojtarëve më të përfolur në media për të ardhmen e tij. Mesfushori francez do të largohet nga Juventusi në fund të këtij sezoni.
Në lidhje me këtë ka folur vetë 29-vjeçari, i cili ka theksuar se nuk do të vazhdojë bashkëpunimin me “Zonjën e Vjetër”. Pikërisht bardhezinjve iu uron shumë suksese në sezonet e tjera.
“Vitin e shkuar qëndrova te Juventus pasi doja të ndihmoja skuadrën të rikthehej në Champions League. Klubi ma kërkoi diçka të tillë dhe unë pranova. Çfarë ndodh nëse Juventus kualifikohet në Champions? Të shohim, për mua sigurisht që do të ishte një plus, por duhet të flas me klubin më parë.
Tani për tani nuk ka bisedime. Nga Giuntoli te Allegri, jemi të gjithë të fokusuar te objektivi që është shumë i rëndësishëm dhe vetëm më pas do të flasim për kontratën. Dëshira ime është të rikthehem në Champions me Juventusin. Por, edhe nëse nuk do të jem këtu në vitin e ardhshëm, sërish dëshira ime është që Juventus të rikthehet në Champions dhe të fitojë Kupën e Italisë. E theksoj se më duhet të flas me klubin në fundin e sezonit”, u shpreh Rabiot.
Lexo gjithashtu
