Frank Lampard ka bërë historinë të premten në mbrëmje, duke ngjitur në elitë Coventry Cityn, skuadër e cila do të garojë në Premier League duke filluar nga sezoni i ardhshëm.
Barazimi 1-1 përballë Blacbourn, ka mjaftuar që të besuarit e trajnerit anglez të rikthehen pas 25 vitesh pritje në ndër kampionatet më të forta të Europës.
Me 86 pikë në 34 javë, skuadra e Lampard ka arsye për të festuar 4 javë para mbylljes së sezonit, duke kryer me sukses objektivin të caktuar që prej ardhjes së tij në stol. Një mrekulli e vërtetë nga ana e 47-vjeçarit, i cili mori "timonin" e skuadrës në vitin 2024 kur ndodhej pozita vërtetë të vështira, e ku rënia nga kategoria ishte vetëm 2 pikë larg.
Dora e tij magjike duket se ka bërë efekt dhe tifozët kanë shpërthyer në festë pasi skuadra e tyre do të militojë mes më të mirave të Anglisë në edicionin 2026-2027.
Kujtojmë se Frank Lampard, ish-mesfushori i Anglisë dhe Chelseat, ishte i pari që besoi tek Armando Broja, kur sulmuesi shqiptar ishte në fillimet e veta tek londinezët duke i dhënë hapësira të rëndësishme që shkodrani të shpërthente potencialin e tij.
Lexo gjithashtu
