Manchester United po kalon një nga momentet më të këqija vitet e fundit. “Djajtë’” nuk po arrijnë dot te rezultatet pozitive as me Ruben Amorim. Humbja e fundit 2-0 ndaj Newcastle ka vështirësuar akoma më shumë situatën te ekipi nga Manchesteri.
United momentalisht është vetëm 7 pikë larg zonës së rënies dhe padiksutim është një situatë e vështirë. Kështu mendon edhe trajneri, i cili nënvizon gjithashtu se skuadra fatkeqësisht do të luftojë që të qëndrojë mes më të mirërë.
“Kjo është me të vërtetë e qartë [United po lufton për të mbetur në ligë]. Duhet të ndryshojmë diçka, por ky sezon do të jetë shumë i vështirë për të gjithë. Mund të na bëjë më të fortë dhe ne duhet të luftojmë.
Është vërtet e vështirë. Ky është një nga momentet më të këqija në historinë e klubit tonë, dhe ne duhet ta pranojmë këtë. Një tjetër humbje para tifozëve tanë. Është një moment shumë i vështirë dhe ne duhet të luftojmë për ndeshjen e radhës dhe të kemi paraqitje më të mira”, ka theksuar Amorim.
