Duke vazhduar serinë e rinovimeve, Barcelona ka zgjatur me sukses kontratën e sensacionit adoleshent Lamine Yamal deri në vitin 2031. I riu nënshkroi kontratën sot në zyrat e klubit. Vetëm 17 vjeç, Lamine e ka vendosur veten si një nga lojtarët më të mirë në botë, duke luajtur një rol kyç në triumfin e trefishtë të katalanasve në vend këtë sezon.
Kontrata e mëparshme e Lamines skadonte në vitin 2026, megjithëse një marrëveshje për ta zgjatur më tej kontratën e tij pasi të mbushte 18 vjeç ishte tashmë në fuqi. Duke pasur parasysh ngritjen e tij “meteorike” drejt majave, Barcelona nuk ka humbur kohë për të rinovuar kontratën e tij, duke i ofruar kushte të përmirësuara, të cilat, duke përfshirë të gjitha shtesat, mund ta bëjnë atë një nga lojtarët me të ardhurat më të larta në skuadër.
Kontrata e re e Lamine Yamal vjen gjithashtu me një klauzolë lirimi gjigante prej 1 miliard eurosh dhe do të bëhet zyrtare sapo ai të mbushë 18 vjeç në korrik. Me nënshkrimin e kontratës së re, i riu pritet të marrë edhe fanellën me numër 10 te Barcelona për sezonin e ardhshëm.
Lexo gjithashtu
