Nacho Ferndandez pritet ta mbyllë aventurën e tij te Real Madrid. Kapiteni i “Los Blancos” me shumë mundësi do të largohet në verë nga klubi rekordmen, për të nisur një aventurë të re.
Ofertat për Nachon nuk mungojnë nga ekipet spanjolle, por për qendërmbrojtësin ka oferta edhe nga Italia. Skuadra e Interit është një nga më të interesuarit, me drejtuesit zikaltër që e shohin Nachon si perfektin për tú përforcuar.
Në krahun tjetër, kontrata e 34-vjeçarit përfundon në fund të sezonit aktual, gjë që e bën Interin ta kthejë mbrojtësin në një objektiv serioz, duke ditur që klubi italian i ka ‘fiksim’ transferimet me parametra zero.
Kujtojmë që Nacho po mbyll një karrierë të gjatë te Real Madrid, skuadër në të cilën ka luajtur gjatë gjithë jetës së tij. Mbrojtësi spanjoll ka luajtur plot 466 ndeshje me fanellën e Realit, duke filluar nga moshat. Teksa me “Los Blancos”, Nacho ka shënuar 20 gola dhe ka asistuar në 9 të tjerë.
Ai gjithashtu ka fituar 5 Champions League, 5 Botërore Klubesh, 3 tituj kampion në La Liga, 4 Superkupa Europe, 2 Kupa të Spanjës dhe 5 Superkupa të Spanjës.
Lexo gjithashtu
