Roma do të presë në shtëpi Milanin mbrëmjen e së enjtes për të luajtur ndeshjen e kthimit të çerekfinales së Europa League. Sfida e parë në “San Siro” përfundoi me fitoren 0-1 të verdhekuqve, teksa në kryeqytet do të vendoset gjysmëfinalisti.
Në prag të kësaj sfide ka folur kapiteni i Romës, Lorenzo Pellegrini. Ky i fundit thotë se, nëse duan që të fitojnë, duhet ta mendojnë se ndeshja është 0-0 pa e llogaritur aspak avantazhin e arritur në Milano.
“Avantazhi i ndeshjes së parë nuk duhet të ndikojë tek ne. Ne duhet të futemi në fushë siç bëmë në San Siro, duke menduar se jemi 0-0. Kjo është rruga më e mirë që na mban të motivuar dhe na çon te fitorja. Ne luajtëm një ndeshje të shkëlqyen në Milano, por kemi humbur disa raste. Nesër do të përpiqemi të bëjmë akoma më mirë”, është shprehur Pellegrini.
Lexo gjithashtu
