Skënderbeu I detyrohej mbrojtësit Kabba Sambou afro 90 mijë euro për pagat e pashlyera dhe prishjen e njëanshme të kontratës. Korçarët u paditën në FIFA nga afrikani 24 vjeçar, që fitoi të drejtën në gjyqin mes palëve.
Klubi bardhekuq u njoftua në janar të këtij viti për detyrimet ndaj mbrojtësit, teksa palët kanë gjetur marrëveshjen për shlyerjen e pagave, duke hequr kështu bllokimin e merkatos. Korçarët nuk kanë bërë asnjë njoftim zyrtar për afrime të reja, teksa duket se problemi është zgjidhur me Kabba Sambou. Lojtari u afrua në verën e 2018 nga Trepça e Kosovës, duke mos marrë shumë minuta te Skënderbeu.