Te Partizani kanë nisur të mendojnë për sezonin e ardhshëm. Pasi u rikthyer
te lavdia pas 26 vitesh, të kuqtë kërkojnë që të formojnë një grup cilësor për
vijueshmërinë.
E ky proces nis nga grupi aktual. Në shtëpinë e kuqe shumë futbollistë janë në
skadencë kontrate, teksa pozicioni më delikat duket se është ai i mbrojtjes. Sadiq
Atanda dhe Egzon Belica janë shumë pranë largimit. Por, me këtë të fundit që është
bindur për të qëndruar të paktën edhe për një tjetër sezon, e njëjta gjë nuk
mund të thuhet për afrikanin.
Kërkesat e larta të Atanda kanë çuditur stafin, që i ka vënë në tryezë ofertën
dhe kohë për të vendosur. Rreth 70 mijë euro pagë vjetore plus bonuse janë kërkesat
e Atanda. 25 vjeçari konsiderohet si mbrojtësit më të mirë të Superligës dhe kjo
duket se e ka shtyrë që të kërkojë një pagë faraonike. Gjithsesi, ditët në
vijim do të jenë përcaktuese për fatin e këtij operacioni.
Lexo gjithashtu
