Dje, në kampin e kuq janë zhvilluar përgatitjet e fundit për transfertën që luhet sot në Kukuës në orën 14:00, në kuadër të javës së 11-të të Superligës. Presioni te "Demat e Kuq" ka qenë tepër i lartë, aq më shumë pas ultimatumit të dhënë nga drejtuesit e klubit se, ekipi duhet të grumbullojë 7 pikë në tre takimet e radhës, në të kundërt parashikohet "furtunë" te Partizani.
"Bobi" i Partizanit, Sulejman Starova ka preferuar që stërvitjen e fundit ta zhvillojë me dyer të mbyllura, kjo jo vetëm për të mos zbuluar skemat që aplikoi në stërvitje, por edhe për tu bërë pak moral të tijve pas presionit që këta të fundit patën nga presidenca.
Duhet parë sot në fushë, nëse lojtarët do reagojnë me gjitha ato leksione që Starova u ka dhënë këto ditë lojtarëve apo do të "bllokohen" akoma më shumë përballë Kukësit. Gjithçka pritet të mësohet pas takimit, nëse stërvija me dyer të mbyllura u ka bërë mirë apo ju ka shtuar akoma më shumë tesionin lojtarëve të kuq, drejtuar nga Starova i cili së fundmi ka dhe tifozët kundër pas humbjes me Laçin.
Lexo gjithashtu
