Agostineli mori drejtimin e Skënderbeut në këtë merkato verore. Megjithatë ajo që skuadra e tij dhuroi në fushën e lojës në dy fazat e para, i ka zhgënjyer drejtuesit, por edhe tifozët të cilët kanë shprehur hapur pakënaqësitë që italiani të largohet. Burime për neësport.al bënë dje me dije që tekniku i Skënderbeut është larguar, por akoma nuk është bërë zyrtare nga drejtuesit bardhekuq. Një gjë e tillë pritet të bëhet zyrtare në ditët në vazhdim.
Teksa Agostineli është 100 përqind i larguar, drejtuesit po punojnë për të afruar në krye të pankinës një trajner që do t’i rikthejë lojën e bukur kampionëve. Gjithashtu edhe tifozët, kërkojnë një merkato të mirë, ku skuadra korçarë të rikthehet sërish ajo e sezoneve të shkuara, ku çdo rival e kishte frikë. Me ardhjen e 2017-tës presim të shohë ç’do të ndodhë në kampin korçar.
