Empoli u mposht nga Interi me rezultatin 0-1 në shtëpi, në ndeshjen e vlefshme për javën e 5-të të Serie A. Një humbje që lë një shije mjaft të hidhur tek ekipi i Empolit duke parë që zhvilluan një lojë mjaft të mirë.
Ekipi ku aktivizohen Etrit Berisha, Ardian Ismajli dhe Stiven Shpendi akoma nuk ka arritur të marrë pikët e para, teksa renditet në vendin e fundit të klasifikimit.
Pas ndeshjes përballë Interit, trajneri i Empolit ka folur pikërisht për sulmuesin e Kombëtares së Shpresave që u transferua këtë verë në ekip, Stiven Shpendin.
“Ai punoi shumë për atë që i kërkova. Unë u detyrova ta zëvendësoja sepse nuk arrita të kuptoja unë vetën time. Unë doja që ai të qëndronte pranë Acerbit, por përkundrazi ai nuk qëndroi vetëm aty, por punoi shumë për ekipin dhe harxhoi shumë energji. Nuk e kam njohur ende, por besoj së mund të na japë më shumë”, është shprehur trajneri i Empolit, Aurelio Andreazzoli.
Lexo gjithashtu
