Dje u promovua në Cinneplex në Tiranë filmi komedi 98 minuta, me regji të Bes Kallakut, "Falco". Duke vënë në lojë situata reale që kanë ndodhur në Shqipëri sidomos vitet dhe muajt e fundit, një ndër të vërtetat politike që është trajtuar me ironi në film është premtimi I dikurshëm I kandidatit për deputet Fred Peza për të lidhur ekipin e futbollit të Peqinit me ekipin e Lazios dhe krijimin e Peqini Channel si "Milan Channel", raporton newsport.al.
Në film, kjo është vënë në gojën e personazhit kryesor, një hajdut në Itali, por që nga listat për deputetë, pas djegies së mandateve të opozitës, duhet të hyjë në kuvend. Pasi ka marrë mandatin për deputetin Falco Laçjani, bëhet edhe "president" i ekipit të Laçit.
Në film shfaqen sekuenca kur personazhi kryesor, deputeti hajdut, firmos kontrata me sulmuesin Cikalleshi, me mbrojtësin e kombëtares Veseli, madje kontrata firmoset mes tij si president dhe Lorik Canës, ish-kapitenit të kombëtares së Shqipërisë, raporton neësport.al.
"Aman do vij të luaj për Laçin, veç ti mos ma vidh më shtëpinë" ishte batuta e Lorik Canës për presidentin e Laçit Bes Kallaku në film. Gjithashtu pjesë e filmit ishte edhe Gianni de Biasi, i cili firmos si trajner i Laçit.
Batutat nuk mbaronin për 98 minuta. Dhe pjesë e batutave dhe komedisë, ishte edhe aspekti sportiv futbollistik i filmit, ku lihej të kuptohej, se... edhe me futbollin mund të mbledhësh vota, raporton newsport.al.
Lexo gjithashtu
