Bernard Berisha prej tetë muajsh aktivizohet në kampionatin rus në radhët e Anzhi Makachkala. Ai është një ndër tre shqiptarët që aktivizohen në kampionatin rus krahas Odise Roshit dhe Bekim Balajt, por këta të fundit janë më të rinj në eksperiencë në futbollin e këtij vendi.
Sa i përket Berishës, ai tashmë është kthyer në idhullin e tifozerisë së Anzhit, sidomos pas gjesteve të bëra së fundmi në fushë për tifozët. "Në ndeshjet e fundit ka pasur shumë tifozë në stadium, ndërsa më kërkojnë fanellën. Por, jam ndjerë i befasuar me forcat e sigurisë, të cilët i keqtrajtojnë tifozët. Klubi u ka kërkuar tifozëve që të mos e kalojnë rrethimin, por gjithçka është emocionale. Në atë moment mendova të bëj diçka të mirë për të parë tifozët të lumtur", shprehet fillimisht Berisha.
[caption id="attachment_26247" align="alignleft" width="208"]
Bernard Berisha i fal fanellën një tifozi rus[/caption]
Merkato - "Menaxheri im Shkumbin Qormemeti është në dijeni të lëvizjes sime. Me sa di unë, klubi në këtë moment nuk ka ndërmend të më shesë. Anzhi pretendon që të më mbajë të paktën edhe për një vit, pasi pretendon të shkojë në Europa League. Pas përfundimit të kampionatit mund të ketë zhvillime".
Pasaporta - "Unë kam pasaportë shqiptare dhe me këtë udhëtoj. Për lojtarët kosovarë të Partizanit më vjen keq, por edhe kjo nuk duhet të kthehet çështje politike, pasi Kosova tashmë është shtet më vete".
Ambienti - "Nuk më bezdis fakti që jam kosovar, sepse këtu ku ndodhem më kanë pritur mjaft mirë. Edhe në rrugë më respektojnë, kjo nuk ndodh vetëm këtu në Dagestan, por në çdo qytet të Rusisë ku ne shkojmë për ndeshje".
Krasnodar - "Kam luajtur dy herë kundër kësaj skuadre dhe janë shumë të fortë. Partizanit i duhet fat që të kalojë më tej. Ky ekip është mes 3-4 më të mirëve në Rusi. Ka një grup që luajnë prej pesë vitesh së bashku por nuk i dihet, çdo gjë mund të ndodhë. Partizani e ka jashtëzkonisht të vështirë këtë ndeshje. Pasi, Krasnodar në këtë nisje të kampionatit nuk ka treguar asnjë pikë të dobët. Kanë një sulmues të përkryer si Smolov që luan për përfaqësuesen e Rusisë, ai shënon në çdo ndeshje. Partizani në këtë ndeshje duhet të mbrohet me shumë forca dhe të luajë mirë taktikisht".
Lexo gjithashtu
