Bylisi mori një fitore të rëndësishme ndaj Egnatias javën e kaluar, duke shkelmuar kështu krizën që kishte kapluar skuadrën në javët e fundit. Ky triumf ka rritur moralin te ballshiotët për takimin ndaj Erzenit, sfidë që do të luhet ditën e nesërme duke nisur që nga ora 13:00.
Pikërisht për këtë sfidë buzëqesh Arian Bellai, i cili më në fund do të ketë në dispozicion të gjithë lojtarët dhe do të mund t’i përdorë për sfidën me shijakasit.
Në këtë mënyrë tekniku i ballshiotëve do të udhëtojë në “Niko Dovana” me “artilerinë” e rëndë në kërkim të një tjetër fitore të rëndësishme për ta, për ta mbyllur siç duhet edhe këtë vit kalendarik.
Poll
Lexo gjithashtu
