Kërkesa për të diskutuar mbi dhënien e stadiumit “Selman Stërmasi” për të luajtur ndeshjet e fazës së dytë dhe të tretë skuadra e “Partizanit” po i kalon ndërkohë kornizat e diskutimit mes klubeve, ku KF Tirana ka aksioner 66 përqind Refik Halilin dhe 34 përqind Bashkinë, ndërsa Partizani është 100 përqind pronë e aksionerit Gaz Demi.
Burime nga bashkia e Tiranës bëjnë me dije se nga drejtoria e sportit në adresë të klubit formalisht ka shkuar kërkesa e bashkisë për të dhënë stadiumin për ndeshjet e Partizanit.
Situata bëhet më alarmante ku sipas deklarimeve dhënë në televizione edhe të presidentit të KF Tirana Refik Halili, mes këtij të fundit dhe bashkisë ka negociata që bashkia e Tiranës të shlyejë detyrimet që ka karshi klubit të paktën për tre vjet.
Halili ka deklaruar se janë dërguar pranë bashkisë bilancet e shoqërisë për vitin 2014 dhe 2015 në pritje për t’u bërë edhe bilancet e 2016. Madje, ai ka deklaruar se është bërë edhe auditi i këtyre viteve dhe dokumentet janë pranuar nga bashkia.
Edhe pse Halili thotë se janë në negociata, duket se asnjë lekë nuk është dhënë nga Bashkia për KF Tirana në adresë të klubit Tirana.
Ndërkohë që tani, kur presioni për stadiumin po rritet, Bashkia kërkon të diskutojë për t'i dhënë stadiumin ekipit të Partizanit.
Sot pritet të ketë negociata mes Bashkisë dhe Klubit për të dhënë përgjigje përfundimtare për të gjitha pretendimet që kanë dy aksionerët, duke hedhur në tavolinë provat dhe faktet që kanë për të mbrojtur qëndrimet që kanë për këtë rast.
Lexo gjithashtu
