Tirana ka mbetur pa trajner, pas largimit të Nevil Dede. Klubi bardheblu nuk duhet të humbë kohë, por të zgjedhë “timoneirin” e ri, pasi jemi në një fazë të rëndësishme të sezonit.
Një nga emrat më të përfolur për t’u ulur në pankinën kryeqytetase është Alban Bushi. Vlen të theksojmë se Bushi është aktualisht në krye të Kombëtares U21.
Emri tjetër është i Skënder Gegës. Tekniku tropojan u largua nga Kukësi pak javë më parë, e tani është një trajner i lirë. Gega ka udhëhequr Partizanin para dy vitesh drejt titullit kampion, teksa tani do shkonte në anën tjetër të kryeqytetit.
Opsion tjetër dhe jo pak i rëndësishëm është i Bledar Devollit. Ky i fundit është trajner i Drenicës në Kosovë, por një afrim në Tiranë do ishte i mirëpritur. Këto janë tre mundësi të mira në kampin e Tiranës, e se kush do jetë në krye të ekipit, na mbetet të presim e të shohim.
Loading ...
