Teuta dhe Laçi u ndanë në një barazim 1-1 dhe dalin me 1 pikë nga sfida duke vijuar ecurinë pa fitore. Në prononcimin pas ndeshjes, trajneri i Laçit Mirel Josa, u shpreh kështu:
“Duke patur parasysh ndeshjen, pjesën e parë duhet të ishim shumë më mirë. Mënyra si u shprehëm në sulm nuk ishte e drejtë, duhet të ishim të sigurtë në pasim dhe i dham mundësi Teutës për të sulmuar. Duhet të kishim një hapje të topave, kontrollin e lojës pasi kishim edhe erën në favor. Më pëlqeu mënyra si ngulmuam, ndryshe do flisnim nëse nuk do të shënonim golin në fund.
Në pjesën e dytë me vendosjen e dy mesfushorëve të qendrës, kishim më tepër pika referimi për pasim dhe duhet të ishim më të qetë. Nuk rrezikuam, duhet të kishim ambientim më të mirë në pjesën e parë me problemin e erës. Problemi kryesor është që sulmuesi Sobovale duhet të ishte në gjendje më të mirë.
Dëmtimi i Kurtit? Kontraktim, as tërheqje as problem kaviljes. Na vjen keq, por dëmtimi i tij nuk do të shkojë gjatë. Me mënyrën sesi luan është më i pjekur seç duhet.”
Lexo gjithashtu
