Gjermania mori një pikë ndaj Spanjës mbrëmjen e djeshme. Barazimi 1-1 e mban akoma në lojë skuadrën gjermane për të siguruar një vend në raundin tjetër të Kupës së Botës. Panzerat tashmë presin fitoren e Spanjës me Japoninë ndërsa vetë duhet të fitojnë ndaj Kosta Rikës. Pas ndeshjes së djeshme, trajneri Hansi Flick ka folur për mediat dhe ndihet i kënaqur nga paraqitja.
“Skuadra luftoi duke mos u dorëzuar kurrë por ne kemi bërë vetëm një hap. Ne jemi një ekip i bashkuar dhe kemi marrëdhënie të mirë, edhe nëse nuk duket gjithmonë. Ajo çfarë skuadra ka arritur është e rëndësishme, jam krenar për ta.
Ata janë luftëtarë në fushë që luajnë me zemrat e tyre. Nëse vazhdojmë me këtë momentum dhe marrim më shumë konfidencë, atëherë çdo gjë është e mundur.”- u shpreh Flick.
Lexo gjithashtu
