Kombëtarja shqiptare arriti të kualifikohej në kampionatin Europian Gjermani 2024. Kuqezinjtë e mbyllën grupin si kryesues dhe realizojnë një tjetër rezultat historik për futbollin shqiptar. Megjithatë, dy barazimet në ndeshjet e fundit me Moldavinë dhe Ishujt Faroe i kanë kushtuar rëndë Shqipërisë në renditjen e FIFA-s.
Duke qenë se janë skuadra me koeficient më të ulët, barazimet llogariten si rezultat negative dhe Shqipëria humbet 14.13 pikë në total që do të sjellë një rënie të dukshme në përditësimin e renditjes së FIFA-s javën tjetër.
Saktësisht, Shqipëria do të zbresë nga vendi i 59-të, në të 62-tin dhe kjo ndikon shumë në shortin për kualifikueset e Botërorit. Renditja përcakton edhe ndarjen e vazove dhe duke qenë në vendin e 30-të mes skuadrave Europiane, Shqipëria do të jetë pjesë e vazos së tretë. Por, kjo është problem pasi në kualifikueset e Botërorit, grupet ndahen me 4 apo 5 skuadra dhe vetëm e para kualifikohet direkt. Në këtë mënyrë Shqipëria do të shortohej me 2 rivalë më të fortë në letër.
Lexo gjithashtu
