Presidenti i FSHF-së, Armando Duka kam folur për mediat pas humbjes, ndërsa thekson se më shumë se Sadiku, Gashi i ka pasur të gjitha shanset për të shënuar gol, pasi nuk kishte presion në aksionin që zhvilloi. Sa i përket presionit të ndeshjes, ai thekson se prania e tifozëve dhe pjesëmarrja në një eveniment të tillë kanë ndikuar te lojtarët, sidomos në 15 minutat e para të ndeshjes, ku futbollistëve iu desh që të shkarkonin emocionet dhe të futeshin në garë. Më pas ai ka shtuar për mediat se tifozët nuk duhet ta humbasin besimin, por duhet të jenë më të shumtë në numër, pasi ky grup i ka bërë të ndjehen krenarë dhe do të vazhdojë diçka të tillë.
[caption id="attachment_1988" align="alignright" width="300"]
Momenti kur Gashi del i vetëm përball Sommer dhe nuk arrin të shënojë[/caption]
"Rasti i Gashit ishte shumë i përshtatshëm dhe ishte më tepër pa presion, mund të kishte shënuar. Ishim në humor të gjithë dhe do të ishim më në tepër në humor nëse do të kishim marrë pikë opse nëse do të kishim fituar. Të gjithë kemi pritur me shumë gëzim pjesëmarrjen, por duke parë çka dhamë në fushë, duke parë mundësitë që na u krijuan, të paktën një pikë e merituam. Po diskutonim dhe para lojës që çunat tanë e dashurojnë shumë më shumë fanellën dhe nuk arritën që në 15 minutat e para që të çliroheshin nga emocionet. Pavarësisht se ne iu dhamë mbështetjen e duhur, por ata e ndiejnë peshën e fanellës dhe të spektatorëve që ishin në stadium. Ranë në presion në 15 minutat e para. Me 10 lojtarë nuk besoj se ndonjë skuadër do të luajë më mirë se kaq. Unë uroj që të jenë të kënaqur që janë pjesë e këtij kompeticioni. Do të ishin më të kënaqur nëse do të ishte rezultat pozitiv, por dua që ta ndjekin këtë ekip, pasi kemi dy ndeshje të tjera që kemi mundësitë të luajmë mirë. Nëse do të luajmë si në pjesën e dytë, do të bëjmë më të mirë", përfundon presidenti Duka.
Lexo gjithashtu
