Armando Broja u zyrtarizua në orët e vona të mbrëmjes te Fulham që e huazoi për 4 milionë euro nga Chelsea. Sulmuesi shqiptar u prezantua e fanellën e re dhe mbi shpinë do të mbajë numrin e rëndësishëm “9”, tipik për një qendërsulmues.
Në faqen zyrtare të klubit, bomberi 22-vjeçar tha fjalët e para si lojtar i Fulham. Ai u shpreh i lumtur dhe mezi pret të fillojë aventurën e re.
“Është një ndjesi e mrekullueshme. Jam i lumtur që ndodhem këtu, mezi pres të filloj, të takoj lojtarët dhe trajnerin. Ndihem gati. Tifozët luajnë gjithmonë një rol të madh dhe mezi pres të shkoj në Craven Cottage dhe t’i takoj të gjithë. Do të punoj shumë për ekipin, të krijoj një lidhje të fortë. Jam me të vërtetë i nderuar dhe i emocionuar që ndodhem këtu”, u shpreh Broja për sajtin zyrtar të Fulham.
Lexo gjithashtu
