Argjentina dhe Kili kalojnë me “sy mbyllur” në gjysmëfinale

Çerekfinalja Argjentinë-Venezuelë ka rezultuar një ndeshje formale, ashtu siç ishte parashikuar. Favoritët kryesorë për të fituar trofeun e kampionatin të Amerikës, kanë fituar 4-1, ku kanë shënuar Higuain dy herë, Mesi dhe Lamela. Një ndeshje e dominuar totalisht nga skuadra argjentinase, që nuk ka shpenzuar shumë energji. Rezultat surprizë ishte ai mes Meksikës dhe Kilit, 0-7. Kili ka kaluar në gjysmëfinale me një goleadë, duke thyer çdo parashikim, pasi Meksika konsiderohej një kundërshtar shumë i fortë. Tani Argjentina do të luajë me USA-t në gjysmëfinale, kurse Kili me Kolumbinë, që janë kualfikuar me më shumë vështirësi në ndeshjet e tyre.