Dëmtimi i Gentian Selmanit mund të fusë sërish në merkato Tiranën. Portieri i afruar në këtë periudhë transferimesh u dëmtua mbrëmë ndaj Besiktas dhe do të mungojë deri në fund të dhjetorit.
Në këto kushte, drejtuesit bardheblu mund të futen sërish në merkato për të gjetur një portier që do të mbrojë portën deri në rikthimin e Selmanit. Alternativat janë të pakta, pasi thuajse gjithë lojtarët tanimë kanë gjetur skuadrat e tyre.
Megjithatë Bekim Rexhepi vijon të jetë pa skuadër. 23-vjeçari u largua nga Partizani dhe tanimë ende nuk dihet se cila do të jetë e ardhmja e tij. Ai u kritikua shumë për derbin e fundit ndaj Tiranës, për golin e pësuar nga mesi i fushës.
Ardit Deliu goditi me të djathtën duke lënë në vend portierin e Partizanit që sipas analistëve kishte kohën e duhur për të neutralizuar atë gol që thuajse i kushtoi titullin të kuqve.
Duhet theksuar fakti se nuk ka asgjë konkrete. Por, dëmtimi i Selmanit dhe largimi i Rexhepit nga Partizanit, pse jo, kjo merkato vere mund të ketë surpriza.
Lexo gjithashtu
