Në listën e Kukësit janë 8 të huaj. Ardhja e Pero Pejiç ka shtuar numrin e tyre, ndërsa vetëm 6 prej të huajve ndodhen në vijën e parë të sulmit. Pra, rivaliteti nuk është vetëm për numrin e të huajve të aktivizuar, por edhe për rolin që ata kanë.
Kështu, trajneri Ernest Gjoka duhet që të bëjë “raprezalje” në këtë repart, pasi duhet të heq ata që nuk bëjnë punë, sepse shumë prej tyre do të mbeten në stol. Largimet kanë nisur tashmë, ku veç kërkesës për të larguar Izair Eminin, verilindorët duan të heqin dhe Marko Scepanoviç.
Malazezi u afrua në fillim të merkatos së verës nga kuksianët, pasi kishte shënuar 19 gola në kampionatin e shtetit fqinj, por që nuk u aktivizua në asnjërën nga ndeshjet e Europa League. Gjasat janë që ai do të largohet, madje disa të tjerë e bëjnë fakt të kryer prishjen e kontratës mes tij dhe klubit verilindor.
Loading ...
Leave a Reply
You must be logged in to post a comment.