Merkato e Apolonisë ka qenë e heshtur në hyrje ndërsa në dalje janë larguar plot 5 futbollistë. Fierakët po vuajnë në kampionat por drejtuesit kanë vendosur të mos ndërhyjnë në merkato gjithsesi. Madje, janë larguar plot 5 futbollitë, Elvis Kovaçi drejt Erzenit, Jurgen Bala drejt Albpetrolit, Altin Kanani drejt Lushnjës dhe së fundmi janë larguar dy talentet e klubit, Arlind Kurti dhe Alvi Mezani.
Kurti e Mezani do të jenë lojtarët më të rinj të Laçit i cili ka paguar një shumë që nuk bëhet e ditur për momentin. Megjithatë, Apolonia do të ruajë një përqindje të kartonit. Kurbinasit, pas shitjes së Adelekes, janë hedhur në treg për të afruar dy talentët e rinj.
Kurti luan në qendër të mbrojtes dhe në moshën 18-vjeçare shihet si një përforcim i perspektivës ndërsa 20-vjeçari Mezani mund të bëjë të gjitha pozitat në mbështetje të sulmuesit kryesor dhe shihet si një “Uzuni i ri” i cili bëri gjithashtu të njëjtin aks, nga Apolonia te Laçi.
